النجاح ليس مستحيلا بالحلم و الإرادة و العمل يتحقق المستحيل ، يشرفنا عمل حوارنا مع الكاتبة المتميزة التي وصلت لكل ما تطلع إليه و في فترة وجيزة و لم يقف في طريقها شئ رغم صغر سنها معنا الكاتبة العظيمة روميساء
-اسمك: گ روميساء وائل ابو الفتوح
-سنك: 15
-المحافظة: القاهره
-موهبتك: إلقاء وكتابه
-اول حد شجعك: ماما
-اي العقابات اللي قبلتك و ازاي اتغلبتي عليها؟
حاليا لسه مفيش عقوبات قابلتني
-تنصحي اي حد بيقرا كلامنا دلوقتي بأي؟
أنه يشتغل على نفسه و الوصول للقمه سهل لكن الحفاظ عليها صعب
-حابين نشوف حاجه من إبداعك؟
الفراق ..
الفراق شيء صعب لما يجيلك من أغلى الناس ليك ، فارقني ناس كتير كانوا عزاز علي . كانوا دايما يقولوا لي أحلى الكلام : " . أنت الصاحبة ، أنت الأخت ، أنت كل حاجة حلوة في حياتنا ، " فجأة كنت نايمة ، صحيت من النوم على كابوس ، مالقتش الصحاب ، مالقتش أغلى الناس ليا ، فين الناس اللي قالوا هنفضل معاكي العمر كله ! راحوا فين ! مالقتش حد ، ملقتش أغلى الناس ليا ، ومالقتش الكلام الحلو اللي كان بيتقال ، فين الصحاب اللي قالوا هنفضل معاكي العمر كله ! ولا ده كان مجرد كلام لما كانوا الصحاب لهم مصالح عندي ! وأحمد الرحمن إن خلصت المصالح ديه ! لأن الوقت ده اللي فيه بان الصحاب والناس على حقيقتهم ، الفراق شيء صعب لما يجيلك من أغلى الناس ليك .
-كلمينا شوية عن نفسك و عن انجازاتك ؟
انا اسمي كاتبه روميساء وائل ابو الفتوح وعندي 15 سنه وانا لسه داخله المجال من قريب بس عاملت كيان روما وكمان انا المدير التنفيذي في مبادره اسمها مفاتيح السعاده وعملت كتابين تحت اشرافي وشغاله حاليا على 3 كتب وشاركت في كتابين مجمعين.
-ازاي وصلتي لده؟
للجهد والاجتهاد و اني بشتغل على نفسي علشان أطور من نفسي.
-شايفه نفسك فين في المستقبل؟
انا مش مغروره بس انا نفسي اسبت نفسي في المجتمع واكون انسانه مهمه في المجتمع.
-تحبي تقولي حاجه اخيره؟
اه أن الكاتب يحاول يطور من نفسه و يوصل لأحلامه مهما ما حد احبطك.
تعليقات
إرسال تعليق